Nuacht

Baile Seirbhís An Chlochán

Beidh cruinniú eolais do choistí, eagraíaochtaí agus páirtithe leasmhara eile atá ag feidhmiú ar an gClochán Dé Luain an 22ú Márta ag 7.00 p.m. ar Zoom chun an phróiseas a bhaineann le pleanáil teanga atá leagtha amach do na bailte seirbhíse Gaeltachta agus an tacaíocht agus an cuidiú a bheidh ar fáil a mhíniú.

Ba mhór againn é dá mbeifeá i láthair ann, mar bhall den phobal áitiúil nó mar ionadaí/ionadaithe ó eagraíocht /ó choiste. Ba bhreá le Pleanáil Teanga Chonamara Láir bhur n-ionchur agus bhur dtacaíocht a fháil. Is iad an pobal chroílár an phróisis pleanála teanga.

Is féidir clárú don chruinniú ag https://anclochanbsg.eventbrite.ie nó trí nóta a sheoladh chuig unishabhaois@forasnagaeilge.ie.

POIST LE FÁIL

⇐Nasc don Fógra

Facebook

Ardán ar líne do ghnóthaí agus imeachtaí Chonamara Láir

2 April 2020

Uncategorized

An bhfuil tú lonnaithe i gceantar Chonamara Láir agus tú ag rith gnó nó ag eagrú imeachtaí sa gceantar? An bhfuil ardán ar líne ag do ghnó nó ag d’imeacht? Mura bhfuil, is féidir clárú le www.conamaralair.ie soar in aisce! Níl le déanamh ach an fhoirm sa nasc thíos a íoslódáil agus a sheoladh ar ais chuig eolas@conamaralair.ie Foirm chun gnóthaí/eagraíochtaí a chlárú Foirm chun imeachtaí a chlárú Is iad na ceantair Camus, Ros Muc, Cill Chiaráin, Carna, An Caiseal, Sraith Salach, Iorras Beag, Inis Ní agus An Léim atá i gConamara Láir. Tá teorainneacha Ghaeltacht Chonamara Láir marcáilte amach ar an mapa seo. Cén sórt gnó/imeacht ar féidir a chlárú? Is féidir aon chineál gnó/imeacht a chlárú linn saor in aisce chomh fada agus go bhfuil tú lonniathe i gConamara. Cén fáth go gcláródh tú le www.conamaralair.ie? Ardán ar líne do do ghnó nó d’imeacht. Saor in aisce le clárú. Fáil ar ghnóthaí & imeachtaí Chonamara Láir ar aon láthair amháin. Fiú má tá ardán ar líne ag do ghnó/imeacht cheana féin is féidir nascadh leis an suíomh seo. Súil againn turasóirí chuig an gceantar a dhíriú chuig an suíomh idirlín. Súil go mbeidh daoine ag úsaid www.conamaralair.ie […]

Cairdeas, Seirbhís Béile ar Rothaí do cheantair Chill Chiaráin, Charna agus An Chaisil

Nuacht

19 June 2020

Cuirfear tús le Cairdeas, seirbhís Béile ar Rothaí ar an Luan, 22 Meitheamh 2020 ar mhaithe le freastal ar bhonn caighdeánach ar dhaoine i gceantar Chill Chiaráin, Charna & An Chaisil, le go mbeidh ar a gcumas maireachtáil go sláintiúil agus go neamhspleách ina dtithe cónaithe féin. Is í aidhm Cairdeas ná seirbhísí ar ardchaighdeán a sholáthar do dhaoine aonair agus dá muintir chun tacú le maireachtáil ina bpobal. Beidh an tseirbhís ag feidhmiú trí lá sa tseachtain, Dé Luain, Dé Céadaoin & Dé hAoine sna ceantair Cill Chiaráin, Carna & An Caiseal. Tá deis ag daoine an tseirbhís a úsáid ar feadh lá amháin, dhá lá nó trí lá gach seachtain. Déanaimid ár ndícheall caidreamh dearfach a chruthú sa bpobal lena chinntiú go gcomhlíontar na riachtanais go léir. o Caidreamh a chruthú le daoine aonair agus le teaghlaigh sa phobal o Seirbhísí ar ardchaighdeán a sholáthar agus a chothabháil sa phobal o A chinntiú go gcaitear le cliaint le dínit agus le meas o Oibriú i gcomhar le gnólachtaí áitiúla agus le gairmithe cúram sláinte áitiúla chun leanúnachas seirbhísí a chinntiú Íoslódáil leagan Word den fhoirm chláraithe anseo Íoslódáil leagan PDF den fhoirm chláraithe anseo Má theastaíonn uait an tseirbhís […]

Comórtas Grianghrafadóireachta 2021

6 April 2021

Nuacht

Mar gheall go bhfuil níos mó daoine ag dul amach anois ag siúl agus ag tógáil pictiúir álainn den cheantar, shocraigh Pleanáil Teanga Chonamara Láir Comórtas Grianghrafadóireachta a reáchtáil. Síníonn limistéar Chonamara Láir ó Chamus go hInis Ní agus chomh fada ó thuaidh leis an Sraith Salach. Gheobhaidh an buaiteoir leis an ngrianghraf is deise Hoodie Phleanáil Teanga Chonamara Láir agus beidh a phictiúr curtha chomh maith ar Fhéilire 2022 agus ar an nuachtlitir míosúil. Beidh téama difriúil i gceist gach mí agus is é téama mí Feabhra ná ‘Tús an Earraigh’. Ní ghlacfar ach le griangraif atá tógtha laistigh de limistéar Chonamara Láir amháin. Chomh maith leis seo, beidh foirm scaoilteach le síniú ag an ngrianghrafadóir. Ar ndóigh, impíonn an Fhoireann Pleanála Teanga do gach duine a bheith sábháilte agus fanacht laistigh den teorainn 5km (de réir threoirlínte sláinte agus sábháilteacht COVID-19 Leibhéal 5). Is féidir ríomhphost a sheoladh chuig ocpt@conamaralair.ie chun breis eolais a fháil faoin gcomórtas.

Comórtas Grianghrafadóireachta Chonamara Láir

24 March 2020

Imeachtaí Nuacht

Tá Pleanáil Teanga Chonamara Láir ag reáchtáil comórtas grianghrafadóireachta. Pictiúir de cheantar Chonamara Láir amháin a ghlacfar leo. Is iad na bailte Camus, Ros Muc, Cill Chiaráin, Carna, An Caiseal & Sraith Salach atá i gConamara Láir. Tá teorainn Chonamara Láir le feiceáil sa mapa seo thíos. Beidh na grianghraif le feiceáil ar an suíomh idirlín www.conamaralair.ie chomh maith le meáin shóisialta Chonamara Láir. Tá trí dhearbhán luach €100, €50 agus €30 le buachadh. Roghnófar na buaiteoirí go randamach. Beidh sé suas do na buaiteoirí ceann de shiopaí Chonamara Láir a phiocadh leis na dearbháin a chaitheamh iontu. Má tá tú ag iarraidh deis ceann de na dearbháin a bhuachadh, níl le déanamh ach do ghrianghraif chomh maith le d’ainm, d’uimhir fóin, teideal an phictiúir agus an ceantar ar tógadh an pictiúr ann a sheoladh chuig eolas@conamaralair.ie Tá téarmaí agus coinníollacha an chomórtais le fáil anseo.

Gaelchara 2021

8 July 2020

Uncategorized

Tá áthas ar Phleanáil Teanga Chonamara Láir go bhfuil an Scéim Gaelchara réidh le seoladh acu. Is scéim í seo a bhfuil sé d’aidhm aici deis a thabhairt d’fhoghlaimeoirí Gaeilge i gceantar Chonamara Láir (Camus, Ros Muc, Cill Chiaráin, Carna, An Caiseal & Sraith Salach) feabhas a chur ar a gcuid scileanna teanga. Déanfar é seo trí dheis a thabhairt dóibh an Ghaeilge a chleachtadh mar theanga bheo i suíomh Gaeltachta. Tabharfar deis don fhoghlaimeoir achar ama a chaitheamh i gcomhluadar cainteora dúchais (an Gaelchara). Beidh an foghlaimeoir in ann cur lena scileanna teanga trí a bheith páirteach i ngníomhaíocht nó caitheamh aimsire leis an gcainteoir dúchais: bíodh sé ina imeacht sóisialta; ag cleachtadh spóirt; ag cleachtadh ceirde; nó trína bheith páirteach i ngníomhaíocht nó i gcaitheamh aimsire de chineál eile. Cuirfear €250 ar fáil don fhoghlaimeoir agus €250 ar fáil don chainteoir dúchais. Is é an Aoine 30 Iúil 2021 an spriocdháta. Tá tuilleadh eolais le fáil ón Oifigeach Pleanála Teanga, Anne Uí Dhonnacha ag opt@conamaralair.ie nó 087 1875384. Beidh na rudaí seo a leanas curtha san áireamh agus an t-iarratas á mheas: Tiomantas agus dúthracht na niarrathóirí maidir le húsáid na Gaeilge. Cur síos soiléir ar an ngníomhaíocht/caitheamh […]

Má leanann tú ag úsáid an tsuímh seo, glacann tú le fianáin. tuilleadh eolais

Baile Seirbhís An Chlochán

POIST LE FÁIL

Ardán ar líne do ghnóthaí agus imeachtaí Chonamara Láir

Cairdeas, Seirbhís Béile ar Rothaí do cheantair Chill Chiaráin, Charna agus An Chaisil

Comórtas Grianghrafadóireachta 2021

Comórtas Grianghrafadóireachta Chonamara Láir

Gaelchara 2021

Nuacht

Tograí

Síniú Nuachtlitir / Newsletter Signup